வவுனியாவில் அதிகாலை ஏற்பட்ட தீப்பரவல், கட்டுக்கடங்காமல் பற்றி எரிகிறது!
வவுனியா வைரவப் புளியங்குளம் பகுதியில் உள்ள தனியார் மதுபான விருந்தகம் ஒன்றில் அதிகாலை மூன்று மணியளவில் தீடீரென தீப்பரவல் ஏற்பட்டுள்ளது.
வெடிப்பு சத்தத்தம் கேட்டு மக்கள் அவதானித்த போது தீப்பரவலை அவதானித்துள்ளனர். இதனையடுத்து மாநகர சபை தீயணைப்பு பிரிவினருக்கு தெரிவிக்கப்பட்டுள்ளது.
சம்பவ இடத்திற்கு வந்த பொலிஸாரும், தீயணைப்பு வீரர்களும் கடின முயற்சி எடுத்தும் தீப்பரவலை கட்டுப்படுத்த முடியவில்லை. வெடிப்பு சத்தங்களுடன் தீ தொடர்ந்தும் பற்றி எரிவதாக தெரிவிக்கப்படுகிறது.
குறித்த பகுதிக்கான மின்சாரம் துண்டிக்கப்பட்டு தீயை கட்டுப்படுத்த தீயணைப்பு பிரிவினர் கடும் முயற்சி மேற்கொண்டு வருகின்றனர்.
