மலையகத்தின் பின்தங்கிய பகுதியிலிருந்து யாழ் பல்கலையின் விரிவுரையாளராகியவள்!
யாழ் பல்கலைக்கழகத்தின் ஊடக கற்கை நெறி தற்காலிக விரிவுரையாளராக கடமையாற்றிய யாழ் பல்கலைக்கழகத்தின் ஊடக கற்கை நெறி மாணவி சுகயீனம் காரணமாக உயிரிழந்துள்ளார்.
மொனராகலையைச் சேர்ந்த நவரட்ணம் தில்காந்தி எனும் யாழ் பல்கலையின் மாணவியே உடல்நலக் குறைவு காரணமாக மொனராகலை வைத்தியசாலையில் உயிரிழந்துள்ளார். குறித்த மாணவிக்கு ஆறு மாதங்களுக்கு முன்பு இருதய அறுவைச் சிகிச்சை ஒன்று மேற்கொள்ளப்பட்டுள்ளது. இந்நிலையில் திடீர் சுகயீனம் காரணமாக மொனராகலை வைத்தியசாலையில் அனுமதிக்கப்பட்ட நிலையில் உயிரிழந்துள்ளார்.
ஊவா மாகாணத்தின் பின்தங்கிய பகுதியிலிருந்து பல்கலைக்கழகத்திற்கு தெரிவாகி அதே பல்கலையில் விரிவுரையாளராகவும் பணியாற்றி மலையகத்திற்கு பெருமையும் முன்னுதாரணமாகவும் செயற்பட்ட தில்காந்தியின் மரணம் அதிர்ச்சி தருகிறது என நன்பர்கள் இரங்கல் தெரிவித்துள்ளனர்.