யாழில் எரிபொருள் நிரப்பு நிலையத்தில் தீக்குளிக்க முயன்றவர் கைது!
மனைவியுடன் முரண்பாடு ஏற்பட்டதையடுத்து எரிபொருள் நிரப்பு நிலையத்திற்கு வந்து தீக்குளிக்க முயற்சித்த நிலையில் கோப்பாய் பொலிஸாரால் கைதுசெய்யப்பட்டுள்ளார். இச்சம்பவம் நேற்றைய தினம் இடம்பெற்றுள்ளது. சம்பவம் தொடர்பில் தெரியவருவதாவது:-
உரும்பிராயைச் சேர்ந்த 38 வயதான குடும்பஸ்தர் மனைவியுடன் முரண்பட்டுக்கொண்டு கைதடியில் உள்ள எரிபொருள் நிரப்பு நிலையத்திற்கு சென்று தீக்குளிக்க முயற்சித்த போது அங்கிருந்தவர்கள் தடுக்க முற்பட அவர்களுடன் முரண்பட்டுள்ளார்.
இதனையடுத்து சம்பவ இடத்திற்கு விரைந்த கோப்பாய் பொலிஸாரால் குறித்த நபர் கைதுசெய்யப்பட்டுள்ளார். இவர் மீது வழக்குத் தாக்கல் செய்யப்படும் என கோப்பாய் பொலிஸார் தெரிவித்துள்ளனர்.
