பேருந்தின் முன் சிலுக்கு அருகில் படுத்திருந்த நபர் மீது பேருந்து ஏறியதில் ஒருவர் உயிரிழந்துள்ளார். இந்தச் சம்பவம் நேற்று முன்தினம் பன்னாலைக் கட்டுவனில்
இரவு 8 மணியளவில் நடைபெற்றுள்ளது.
இச்சம்பவத்தில் ஊரெழு கிழக்கு ஊரெழுவைச் சேர்ந்த தர்மலிங்கம் சதீஷ் எனும் 37 வயதான இளைஞன் உயிரிழந்துள்ளார். சம்பவம் தொடர்பில் தெரியவருவதாவது:-
புண்ணாலைக் கட்டுவனில் உள்ள எரிபொருள் நிரப்பு நிலையத்தில் டீசல் நிரப்புவதற்காக பேருந்து வரிசையில் நின்றுள்ளது.இதன் போது பேருந்தின் முன் சில்லின் முன்பாக குறித்த இளைஞன் படுத்திருந்துள்ளார். டீசல் நிரப்புவதற்காக வரிசையில் நின்ற வாகனங்கள் நகரும் போது பேருந்தும் நகர்ந்துள்ளது.
பேருந்தின் முன் நபர் படுத்திருப்பது தெரியாமல் சாரதி பேருந்தை நகர்த்தியதால் பேருந்து அவர் மீது ஏறியதில் சம்பவ இடத்திலேயே குறித்த இளைஞன் உயிரிழந்துள்ளார். சடலம் யாழ் போதனா வைத்தியசாலையில் ஒப்படைக்கப்பட்டுள்ளது. பொலிஸார் மேலதிக விசாரணைகளை மேற்கொண்டு வருகின்றனர் என தெரிவிக்கப்பட்டுள்ளது.
