தனித்திருந்த மூதாட்டியை கொலை செய்து கொள்ளை!
அம்பாறை சாய்ந்தமருது பகுதியில் தனித்திருந்த மூதாட்டி ஒருவர் கொலை செய்யப்பட்டு கொள்ளைச் சம்பவம் ஒன்று இடம்பெற்றுள்ளது. இச்சம்பவம் இன்று (27) காலை இடம்பெற்றதாக தெரிவிக்கப்படுகிறது.
சாய்ந்தமருது புதுப்பள்ளி வீதியைச் சேர்ந்த சுலைமான் செய்யது புஹாரி எனும் 7 பிள்ளைகளின் தாயான 87 வயதான மூதாட்டியே சடலமாக மீட்கப்பட்டுள்ளார். காலை உணவு கொடுப்பதற்காக மகன் ஒருவர் வந்த போதே கொலை செய்யப்பட்டிருப்பது தெரியவந்துள்ளது.
மூதாட்டி அணிந்திருந்த நகைகள் காணாமல் போயிருப்பதுடன் தலையில் காயம் காணப்படுவதாகவும் தெரிவிக்கப்படுகிறது. சம்பவம் தொடர்பில் சாய்ந்தமருது பொலிஸார் விசாரணைகளை மேற்கொண்டு வருகின்றனர்.
