யாழில் மாணவியின் நிர்வாண படத்தை காண்பித்து பாலியல் தொல்லை, இருவர் கைது!
மாணவியின் நிர்வாண படத்தை காண்பித்து பாலியல் தொல்லை கொடுத்த இருவர் ஊர்காவற்துறை பொலிஸாரால் கைதுசெய்யப்பட்டுள்ளனர். 17 வயதான மாணவிக்கு பாலியல் தொல்லை கொடுத்த புங்குடுதீவைச் சேர்ந்த இளைஞர்கள் இருவர் கைது செய்யப்பட்டுள்ளனர்.
மாணவியின் நிர்வாண படத்தை காண்பித்து அவரை மிரட்டி பாலியல் தொல்லை கொடுக்க முற்பட்ட இரண்டு இளைஞர்களை சந்தேகத்தில் கைது செய்துள்ளதாக ஊர்காவற்துறை பொலிஸார் தெரிவித்துள்ளனர். கைதான இளைஞர்கள் இருவரும் புங்குடுதீவு 4ம் மற்றும் 6ம் வட்டாரத்தைச் சேர்ந்தவர்கள் என்று பொலிஸார் தெரிவித்துள்ளனர்.
ஊர்காவற்துறை பொலிஸ் பிரிவுக்குட்பட்ட பகுதியில் வசிக்கும் மாணவி இளைஞன் ஒருவரை காதலித்துள்ளார். இதன் போது இருவரும் அந்தரங்கமான ஒளிப்படங்களை பரிமாறியுள்ளனர். காதல் முறிவடைந்த நிலையில் மாணவியின் படங்களை குறித்த இளைஞன் தனது நன்பர்களுக்கு அனுப்பியுள்ளார். அவர்கள் மாணவிக்கு பாலியல் தொல்லை கொடுக்க முற்பட்டனர்.
இதனையடுத்து மாணவி உடனடியாகவே ஊர்காவற்துறை பொலிஸ் நிலையத்தில் முறைப்பாடு செய்துள்ளார். இதனையடுத்து இரண்டு பேரை பொலிஸார் கைது செய்துள்ளனர். மேலும் இருவரைத் தேடி வருவதாக தெரிவிக்கப்படுகிறது.
இச்சம்பவம் யாழ்ப்பாணத்தில் பெரும் அதிர்ச்சியை ஏற்படுத்தியுள்ளது.
