யாழ்ப்பாணம் ஆறுகால்மடம் லோட்டஸ் வீதியிலுள்ள கடையொன்றுக்குள் நுழைந்த இனந்தெரியாதோர் தாக்குதல் நடத்திவிட்டுத் தப்பிச் சென்றுள்ளனர் என பொலிஸார் நிலையத்தில் முறைப்பாடு செய்யப்பட்டுள்ளது.
இந்தச் சம்பவம் நேற்று இரவு (16) இடம்பெற்றுள்ளது.
குறித்த பகுதியிலுள்ள முச்சக்கரவண்டி உதிரிப்பாக கடையொன்றின் கதவுகளை உடைத்து உள்நுழைந்த இனந்தெரியாதோர் உதிரிப்பாகங்களை அடித்து நொருக்கியதுடன் கடைக்கு தீ வைத்துவிட்டு தப்பிச் சென்றுள்ளனர்.
சம்பவம் தொடர்பில் கடை உரிமையாளர் யாழ்.பொலிஸ் நிலையத்தில் முறைப்பாடு பதிவு செய்துள்ளார்.
சம்பவம் தொடர்பில் யாழ்ப்பாணம் பொலிஸார் மேலதிக விசாரணைகளை முன்னெடுத்துள்ளனர்
