எதிர்கட்சித் தலைவர் சஜித் பிரேமதாச இன்று (09) வடக்கிற்கான விஜயம் மேற்க்கொண்டுள்ள நிலையில், கிளிநொச்சி பாரதி வித்தியாலயத்தில் திறன் வகுப்பறையை திறந்து வைத்தார்.
நாளையதினம் (10) பருத்தித்துறை மற்றும் உடுப்பிட்டி பகுதிகளுக்கு விஜயம் செய்யும் எதிர்க்கட்சித் தலைவர், கொற்றாவத்தை அமெரிக்க மிஷன் தமிழ்க் கலவன் பாடசாலை, உடுப்பிட்டி மகளிர் கல்லூரி ஆகிய பாடசாலைகளுக்கு தலா 11 இலட்சம் பெறுமதியான ஸ்மார்ட் வகுப்பறைகளை திறந்து வைக்கவுள்ளார்.
எதிர்வரும் 11ஆம் மற்றும் 12ஆம் திகதிகளில் ஊர்காவற்துறை தொகுதி, கோப்பாய் பகுதிகளுக்கு விஜயம் மேற்கொண்டு 11 லட்சம் பெறுமதியான ஸ்மார்ட் வகுப்பறையை அன்பளிப்பு செய்யவுள்ளார்.
மேலும், 13ஆம் திகதி சாவகச்சேரி இந்துக் கல்லூரி, கிளிநொச்சி் இரணைதீவு றோ. க. த. க ஆகிய பாடசாலைகளுக்கு தலா 11 லட்சம் பெறுமதியான ஸ்மார்ட் வகுப்பறைகளை திறந்து வைக்கவுள்ளார் எனத் தெரிவிக்கப்படுகிறது.
