அம்பாறை – காரைதீவைச் சேர்ந்த இளம் வைத்தியர் ஒருவர் பாணமை கடலில் தவறி விழுந்து உயிரிழந்துள்ள சோக சம்பவம் காரைதீவில் பதிவாகியுள்ளது.
குறித்த சம்பவம் நேற்று பதிவாகியுள்ளது. காரைதீவைச் சொந்த இடமாகக் கொண்ட வைத்திய கலாநிதி இ.தக்சிதன் என்பவரே சம்பவத்தில் உயிரிழந்துள்ளார்.
காரைதீவைச் சேர்ந்த முன்னாள் கணித பாட உதவிக் கல்விப் பணிப்பாளர் திரு.எஸ்.இலங்கநாதன் அவர்களின் மூத்த புதல்வன் டாக்டர் தக்சிதன் என்பது குறிப்பிடத்தக்கது.
குறித்த வைத்தியர் கல்முனை ஆதார வைத்தியசாலையில் கடமையாற்றி வந்தவர் என்பது குறிப்பிடத்தக்கது.
இந்நிலையில் உயிரிழந்தவரின் சடலம் மரண பரிசோதனைக்காக பாணமை வைத்தியசாலையில் வைக்கப்பட்டுள்ளது.
இந்நிலையில், கடந்த வெள்ளிக்கிழமை மருத்துவத்துறைக்கு தெரிவான
20 வயதுடைய சிவகரன் அக்சயன் என்ற மாணவன் உயிரிழந்திருந்த சம்பவம் காரைதீவில் பெரும் சோகத்தை ஏற்படுத்தியிருந்த நிலையில், வைத்தியரின் உயிரிழப்பும் காரைதீவில் ஆழ்ந்த துயரத்தை ஏற்படுத்தியுள்ளது.
கடந்த வெள்ளிக்கிழமை மருத்துவத்துறக்கு தெரிவான மாணவன் மற்றும் நேற்று உயிரிழந்த வைத்தியர் இருவரும் உகந்தை மலை முருகன் ஆலயத்துக்கு சென்று வரும் வழியிலேயே குறித்த சம்பவங்கள் இரண்டும் பதிவாகியுள்ளமை குறிப்பிடத்தக்கது.
