நடைபெற்றுவரும் ரி – 20 உலகக் கிண்ண தொடரில் அவுஸ்திரேலியாவிற்கு எதிரான சூப்பர் 8 சுற்றுப் போட்டியில் ஆப்கானிஸ்தான் 21 ஓட்டங்களால் வெற்றிபெற்றுள்ளது.
அவுஸ்திரேலியா மற்றும் ஆப்கானிஸ்தான் அணிகள் மோதிய குறித்த போட்டி செயின்ட் வின்சென்ட்டில் இடம்பெற்றிருந்தது.
நாணய சுழற்சியில் வெற்றிபெற்ற அவுஸ்திரேலியா அணி முதலில் பந்து வீசியது.
இதன்படி, முதலில் துடுப்பெடுத்தாடிய ஆப்கானிஸ்தான் அணி 20 ஓவர்கள் நிறைவில் ஆறு விக்கெட்டுகளை இழந்து 148 ஓட்டங்களை பெற்றுக்கொண்டது.
இந்நிலையில், 149 என்ற வெற்றி இலக்கை நோக்கி துடுப்பெடுத்தாடிய அவுஸ்திரேலியா 127 ஓட்டங்களுக்குள் ஆட்டமிழந்தது.
ஆப்கானிஸ்தான் அணி சார்பில் குல்பாடின் நைப் நான்கு விக்கெட்டுகளையும், நவீன்-உல்-ஹக் மூன்று விக்கெட்டுகளையும் வீழ்த்தியிருந்தனர்.
போட்டியின் ஆட்டநாயகனாக குல்பாடின் நைப் தெரிவுசெய்யப்பட்டிருந்தார்.
