சமூக வலைத்தள தடையை மீறி ருவிற்ரரில் சித்தப்பாவுக்கு அறிவுரை சொன்ன நாமல்!
இலங்கையில் ஊரடங்கு உத்தரவு பிறப்பித்துள்ள நிலையில் சமூக வலைத்தளங்களும் முடக்கப்பட்டுள்ளது. எனினும் VPN செயலி ஊடாக சமூக வலைத்தளங்களை மக்கள் பயன்படுத்தி வருகின்றனர்.
I will never condone the blocking of social media. The availability of VPN, just like I’m using now, makes such bans completely useless. I urge the authorities to think more progressively and reconsider this decision. #SocialMediaBanLK #SriLanka #lka
— Namal Rajapaksa (@RajapaksaNamal) April 3, 2022
இந்நிலையில் அமைச்சர் நாமல் ராஜபக்ச அரசின் சமூக வலைத்தள தடையை மீறி VPN செயலி ஊடாக சமூக வலைத்தள தடைக்கு எதிராக ருவிற்ரரில் பதிவிட்டுள்ளார்.
நான் ஒருபோதும் சமூக வலைத்தள தடையை மன்னிக்க மாட்டேன். VPN செயலிகள் இருக்கும் போது தடை பயனற்றது. அதிகாரிகள் மாற்றி யோசிக்க வேண்டும் என சித்தப்பா கோத்தபாய ராஜபக்ச அரசிற்கு ஆலோசனை வழங்கியுள்ளார்.
இலங்கை முழுவதும் சமூகவலைத்தளங்கள் முடக்கப்பட்டுள்ளது. Facebook, WhatsApp, Twitter, Viber, YouTube போன்ற சமூக வலைத்தளங்கள் நள்ளிரவு முதல் முடக்கப்பட்டுள்ளது.
அரசுக்கு எதிரான ஆர்ப்பாட்டங்கள் இன்று ஞாயிற்றுக்கிழமை ஏற்பாடு செய்யப்பட்ட நிலையில் ஊரடங்கு உத்தரவு பிறப்பித்துள்ளது. இந்நிலையிலேயே சமூக வலைத்தளங்களும் முடக்கப்பட்டுள்ளது.
கடந்த சில தினங்களுக்கு முன் ஜனாதிபதி கோத்தபாய ராஜபக்ச இல்லம் ஆர்ப்பாட்டக்காரர்களால் முற்றுகையிடப்பட்டு போராட்டம் மேற்கொள்ளப்பட்டது. குறித்த போராட்டம் சமூக வலைத்தளங்கள் ஊடாகவே ஒருங்கிணைக்கப்பட்டதாக அரசு தெரிவித்திருந்தமை குறிப்பிடத்தக்கது.