யாழ் சுண்ணாகம் பகுதியில் பயங்கரம்! வாகனத்தால் மோதி வாள்வெட்டு!
யாழ்ப்பாணம் சுண்ணாகம் பகுதியில் வாகனத்தினால் மோதி பின்னர் வாள்வெட்டு தாக்குதல் மேற்கொள்ளப்பட்டுள்ளது. இச்சம்பவம் இன்று மதியம் நிகழ்ந்துள்ளது. சம்பவம் தொடர்பில் தெரியவருவதாவது.
சில வாரங்களுக்கு முன்பு வன்முறைக் கும்பல் ஒன்றின் தலைவனாக செயற்படுபவரின் வீட்டிற்குள் நுழைந்த மற்றொரு வன்முறைக் கும்பல் தாக்குதல் மேற்கொண்டது. இந்த தாக்குதல் நடவடிக்கையில் ஈடுபட்ட குழுவினர் சுண்ணாகம் பொலிஸாரால் கைதுசெய்யப்பட்டு தடுத்துவைக்கப்பட்டிருந்தார்.
தடுத்து வைக்கப்பட்டிருந்த வன்முறைக் கும்பலின் தலைவனாக செயற்படுபவரது தாயார் இறந்ததால் இன்று தாயாரின் மரண சடங்கில் கலந்துகொள்வதற்காக பிணையில் எடுக்கப்பட்டு கார் ஒன்றில் வீடு நோக்கி பயணித்த போது சுண்ணாகம் பகுதியில் பட்டா ரக வாகனத்தினால் காரினை மோதி அதில் பயணித்தவர்கள் மீது வாள்வெட்டு தாக்குதல் மேற்கொள்ளப்பட்டுள்ளது.
வாள்வெட்டு தாக்குதலில் காயமடைந்தவர்கள் யாழ் போதனா வைத்தியசாலையில் அனுமதிக்கப்பட்டுள்ளனர். சம்பவம் தொடர்பில் சுண்ணாகம் பொலிஸார் மேலதிக விசாரணைகளை மேற்கொண்டு வருகின்றனர் என தெரிவிக்கப்பட்டுள்ளது.
