கடற்படை படகுகள் ஒன்றுடன் ஒன்று மோதல், சிப்பாய் மாயம்!
காரைநகர் மற்றும் நெடுந்தீவு கடற்படை முகாம்களைச் சேர்ந்த இரண்டு படகுகள் ஒன்றுடன் ஒன்று மோதி விபத்துக்குள்ளானதில் கடற்படைச் சிப்பாய் ஒருவர் காணாமல் போயுள்ளார். இச்சம்பவம் நேற்று அதிகாலை இரண்டு மணியளவில் நிகழ்ந்துள்ளது.
காணாமல் போன கடற்படைச் சிப்பாயைத் தேடும் பணியில் கடற்படையினர் தொடர்ந்தும் ஈடுபட்டு வருகின்றனர். நெடுந்தீவு மற்றும் காரைநகர் கடற்படையினர் நெடுந்தீவுக் கடலில் ரோந்து நடவடிக்கையில் ஈடுபட்டிருந்தனர். இதன்போது சந்தேகத்திற்கிடமான படகினை அவதானித்து கடற்படையின் இரண்டு படகுகளும் குறித்த படகை விரட்டிச் சென்றுள்ளனர்.
சந்தேகத்திற்கிடமான படகினை விரட்டிச்சென்றபோதே கடற்படைப் படகுகள் இரண்டும் ஒன்றுடன் ஒன்று மோதி விபத்துக்குள்ளானதில் கடற்படைச் சிப்பாய் காணாமல் போயுள்ளதாக கடற்படையினர் தெரிவித்துள்ளனர்.
