கோரமாக படுகொலை செய்யப்பட்ட நிலையில் பெண்ணின் சடலம் மீட்பு!
பதுளை தேயிலை மலையிலிருந்து பெண் ஒருவரின் சடலம் மீட்கப்பட்டுள்ளது. பதுளைவேவெஸ்ச பெருந்தோட்ட தெபெத்த தோட்ட பிரிவிலுள்ள தேயிலைத் தோட்டத்திலிருந்து பெண் ஒருவரின் சடலம் மீட்கப்பட்டுள்ளதாக பதுளை பொலிஸார் தெரிவித்துள்ளனர்.
தெபத்தை தோட்ட பிரிவைச் சேர்ந்த லெட்சுமணன் சந்திரலேகா எனும் 58 வயதான பெண்ணின் சடலமே மீட்கப்பட்டுள்ளதாக பதுளை பொலிஸார் தெரிவித்துள்ளனர்.
தேயிலைத் தோட்டத்தில் பெண்ணின் சடலம் காணப்படுவதாக கிடைத்த தகவலையடுத்து பொலிஸார் பெண்ணின் சடலத்தினை மீட்டு வைத்திய பரிசோதனைக்காக பதுளை அரசினர் வைத்தியசாலைக்கு அனுப்பி வைத்துள்ளனர்.
குறித்த பெண் பாலியல் பலாத்காரத்திற்கு உட்படுத்தப்பட்டு கோரமாக கொலை செய்யப்பட்டிருப்பதாக சந்தேகம் எழுந்துள்ளதாகவும் விசாரணைகள் இடம்பெற்று வருகின்றன எனவும் பதுளை பொலிஸார் தெரிவித்துள்ளனர்.
