யாழிலிருந்து பயணித்த புகையிரதம் மோதி ஒருவர் உயிரிழப்பு!
யாழிலிருந்து பயணித்த புகையிரதம் கார் ஒன்றுடன் மோதி விபத்துக்குள்ளானதில் பொறியியலாளர் ஒருவர் உயிரிழந்துள்ளார். இச்சம்பவம் இன்று பேலியகொட பகுதியில் இடம்பெற்றுள்ளது.
இச்சம்பவத்தில் வத்தளையைச் சேர்ந்த பிரியந்த பெர்னான்டோ எனும் 55 வயதான பொறியியலாளரே உயிரிழந்துள்ளார். புகையிரதக் கடவையில் உள்ள சமிக்ஞை விளக்குகள் ஒளிர்ந்தபோதும் புகையிரத கடவையை கடக்க முற்பட்ட போதே குறித்த விபத்து இடம்பெற்றதாக பொலிஸார் தெரிவித்துள்ளனர்.
விபத்தையடுத்து கார் தீப்பற்றி எரிந்ததாகவும் தெரிவிக்கப்படுகிறது. சம்பவம் தொடர்பில் பொலிஸார் விசாரணைகளை மேற்கொண்டு வருகின்றனர்.
