காணாமல் போனவர்களில் சிறுமியின் சடலம் மீட்பு!
யாழ்ப்பாணத்திலிருந்து வெள்ளவத்தை சென்றவர்கள் ஆற்றில் நீராடிய நிலையில் இரண்டு சிறுமிகள் மற்றும் யுவதி ஒருவரும் நீரில் அடித்துச் செல்லப்பட்டு காணாமல் போயுள்ளனர். தொடர்ந்து மேற்கொண்ட தேடுதலில் சிறுமி ஒருவரின் சடலம் மீட்கப்பட்டுள்ளது.
யாழ்ப்பாணத்திலிருந்து வெள்ளவத்தையில் உள்ள உறவினர் வீட்டிற்கு சென்றவர்கள் ஹங்வெல்ல துன்மோதர பகுதியில் உள்ள குமார எல்ல ஆற்றில் நீராடியுள்ளனர். நேற்றைய தினம் பெய்த கன மழை காரணமாக ஆற்றில் திடீரென அதிகரித்த வெள்ளத்தினால் அடித்துச் செல்லப்பட்டனர். நீராடியவர்கள் ஆற்றில் அடித்துச் செல்லப்படுவதை அவதானித்த பிரதேச வாசிகள் துரிதமாக செயற்பட்டதில் மூவர் காப்பாற்றப்பட்டுள்ளனர்.
யாழ்ப்பாணம் இல 132, எக்மன் தேவதாஸ் இஷாரா(16) , எக்மன் தேவதாஸ் மிதுஷா(14)
மற்றும் கெரவலப்பிட்டிய வத்தளையைச் சேர்ந்த வேவனி ஜேசுதாஸ் (29) என்பவர்களே காணாமல் போயிருந்தனர்.
நேற்றைய தினம் மேற்கொண்ட தேடுதலில் 16 வயதுச் சிறுமியின் சடலம் மீட்கப்பட்டுள்ளது. காணாமல் போன இருவரையும் தொடர்ந்தும் தேடும் பணியில் பிரதேச வாசிகள்,பொலிஸார் மற்றும் இராணுவத்தினர் தொடர்ந்தும் ஈடுபட்டு வருகின்றனர்.
