தந்தை பலி. மகன் படுகாயம். மகனின் கண்முன் நேர்ந்த அவலம்!

தந்தை உடல் நசுங்கி பலி, மகன் படுகாயம். மகனின் கண்முன் நேர்ந்த அவலம்!

மட்டக்களப்பு கல்முனை பிரதான வீதியில் இடம்பெற்ற விபத்தில் தந்தை தலை நசுங்கி உயிரிழந்துள்ளார். மகன் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளார். இச்சம்பவம் நேற்று சனிக்கிழமை மாலை 5.30 மணியளவில் இடம்பெற்றுள்ளது.

காத்தான்குடி பொலிஸ் பிரிவுக்குட்பட்ட கல்லடி விபுலானந்தர் கற்கைகள் நிறுவனதிற்கு முன் இத் துயரம் நிகழ்ந்துள்ளது. மோட்டார் சைக்கிளில் பயணித்த தந்தை மற்றும் மகனை பிக்கப் வாகனம் ஒன்று மோதிவிட்டு தப்பிச் சென்றுள்ளது.

பிக்கப் வாகனத்துடன் மோதுண்டு நெல் அறுவடை செய்யும் கனரக வாகனத்தில் சிக்குண்டு தந்தை தலை நசுங்கி உயிரிழந்துள்ளார். மகன் படுகாயமடைந்த நிலையில் மீட்கப்பட்டு வைத்தியசாலையில் அனுமதிக்கப்பட்டுள்ளார்.

விபத்து தொடர்பில் காத்தான்குடி பொலிஸார் விசாரணைகளை மேற்கொண்டு வருகின்றனர் என தெரிவிக்கப்பட்டுள்ளது.