யுவதி சடலமாக மீட்பு! வவுனியாவில் துயரம்!
வவுனியா மணிபுரம் பகுதியில் தூக்கில் தொங்கிய நிலையில் யுவதியின் சடலம் மீட்பு.
வவுனியா மணிபுரம் பகுதியைச் சேர்ந்த தங்கவேல் திவியா (திவி) எனும் 26 வயதான யுவதி தூக்கில் தொங்கிய நிலையில் அவரது வீட்டிலிருந்து சடலமாக மீட்கப்பட்டுள்ளார்.
யுவதி ஆடைத் தொழிற்சாலை ஒன்றில் பணிபுரிந்து வந்துள்ளார்.
பெற்றோர் இருவரும் வேலை விடயமாக சென்ற நிலையில் குறித்த யுவதி வீட்டில் தனித்திருந்துள்ளார். பெற்றோர் வீட்டிற்கு வந்த போது மகள் தூக்கில் தொங்குவதை அவதானித்து உடனடியாகவே வவுனியா வைத்தியசாலைக்கு கொண்டு சென்றுள்ளனர்.
யுவதி உயிரிழந்துவிட்டதாக வைத்தியசாலையில் தெரிவிக்கப்பட்டுள்ளது. யுவதியின் மரணம் தொடர்பில் மேலதிக விசாரணைகளை மேற்கொண்டு வருவதாக பொலிஸார் தெரிவித்துள்ளனர்.
