பரந்தனில் ஒருவர் குத்திக் கொலை, ஒருவர் படுகாயம்!
பரந்தன் புதுக்குடியிருப்பு வீதியில் இளைஞன் ஒருவர் குத்திக் கொலை. உயிரிழந்தவரின் மருமகன் படுகாயமடைந்த நிலையில் கிளிநொச்சி வைத்தியசாலையில் அனுமதிக்கப்பட்டு மேலதிக சிகிச்சைக்காக யாழ் போதனா வைத்தியசாலையில் அனுமதி.
சம்பவம் தொடர்பில் தெரியவருவதாவது
இன்று காலை தொடக்கம் உயிரிழந்தவரிற்கும் கொலை செய்தவரிற்கும் இடையில் முரண்பாடு காணப்பட்டதாகவும் இதன் தொடர்ச்சியாக தமது சகா ஒருவரிற்கு பரந்தன் சந்தியில் அடிப்பதாக தகவல் கிடைத்து உயிரிழந்தவர் அப்பகுதிக்கு சென்ற போது முரண்பாடு ஏற்பட்டுள்ளது.
முரண்பாட்டின் போது போத்தல் உடைத்து குத்தியதில் பரந்தன் 13ம் வீதியைச் சேர்ந்த கார்த்திக் எனும் 24 வயதான இளைஞன் உயிரிழந்துள்ளார். தடுக்கச் சென்ற மருமகன் மீதும் குத்தியதில் அவர் காயமடைந்த நிலையில் கிளிநொச்சி வைத்தியசாலையில் அனுமதிக்கப்பட்டு மேலதிக சிகிச்சைக்காக யாழ் போதனா வைத்தியசாலைக்கு அனுப்பிவைக்கப்பட்டுள்ளார்.
சம்பவம் தொடர்பில் கிளிநொச்சி பொலிஸார் மேலதிக விசாரணைகளை மேற்கொண்டு வருகின்றனர்.
