முதலை தாக்கியதில் மீனவர் உயிரிழப்பு!
அம்பாறை திருக்கோவில் பகுதியில் மீன்பிடித் தொழிலில் ஈடுபட்டிருந்த மீனவர் ஒருவரை முதலை தாக்கியதில் மீனவர் உயிரிழந்துள்ளார்.
திருக்கோவில் சாகாமம் தாலிபோட்டாற்றில் மீன்பிடித் தொழிலில் ஈடுபட்டிருந்த மீனவரே முதலையின் தாக்குதலில் உயிரிழந்துள்ளார்.இச்சம்பவம் நேற்றைய தினம் இடம்பெற்றுள்ளது.
இச்சம்பவத்தில் திருக்கோவில் மண்டானைச் சேர்ந்த இராசநாயகம் வினாயகமூர்த்தி எனும் 55 வயதான மீனவர் உயிரிழந்துள்ளதாக பொலிஸார் தெரிவித்துள்ளனர்.
குறித்த சம்பவம் தொடர்பில் திருக்கோவில் பொலிஸார் விசாரணைகளை மேற்கொண்டு வருகின்றனர் என தெரிவிக்கப்பட்டுள்ளது.
