யாழ்ப்பாணம் பொலிஸ் பிரிவுக்குட்பட்ட கொக்குவில் பகுதியில் ஓட்டோவில் சென்றுகொண்டிருந்தவர் மீது வன்முறைக் கும்பல் ஒன்று வாள்வெட்டுத் தாக்குதல் நடத்திவிட்டு தப்பிச் சென்றுள்ளது.
இந்த வாள்வெட்டுத் தாக்குதலில் படுகாயமடைந்த நிலையில் ஒருவர் யாழ்.போதனா மருத்துவமனையில் சேர்க்கப்பட்டுள்ளார்.
இந்தச் சம்பவம் நேற்று இரவு 10 மணியளவில் காங்கேசன்துறை வீதி கொக்குவில் பைரவர் கோவில் பகுதியில் இடம்பெற்றுள்ளது.
புத்தூர் அச்சுவேலி பகுதியைச் சேர்ந்த செல்வராசா ரதீஷ்குமார் (வயது–41) என்பவரே படுகாயமடைந்த நிலையில் மருத்துவமனையில் சேர்க்கப்பட்டவராவர்.
குறித்த நபர் முச்சக்கரவண்டியில் தனது வீடுநோக்கி பயணித்துக்கொண்டிருந்த வேளை 3 மோட்டார் சைக்கிள்களில் வந்த அறுவரடங்கிய வன்முறைக் கும்பல் அவர் மீது வாளால் வெட்டி தாக்குதல் நடத்திவிட்டுத் தப்பிச் சென்றுள்ளது.
சம்பவம் தொடர்பில் யாழ்ப்பாணம் பொலிஸார் மேலதிக விசாரணைகளை முன்னெடுத்துள்ளனர்.
